閒時喜歡在網絡上看一些關於賽馬的數據、理論和心得，當然我不會只是接收，我會加以分析，用自已的方法去求證。例如之前我看了某馬報的其中一篇專欄也提及了告東尼B1馬，我都非常同意此類數據只可作為參考，改配備大致可分為嘗試性和針對性，當然練馬功夫了得的會偏向後者，而可信性和成功率都會高。而作者在同文中也提及「打疊贏馬」，難道就憑「心頭好」以往未曾連捷就認為「心頭好」再出一定不能贏，個人覺得不能成為數據，也不宜參考。
今日看了一個「荒廢」了的網誌，BLOG主已一年沒有更新了，事實上要堅持寫網誌不是一件容易的事，我也十分佩服那些每天都更新，而且內容十分豐富的BLOG主。網誌內容不多，但BLOG主發表的幾篇心得分享文章，我將之轉貼於此分享之。
心得分享(一)
首先我假設我地已經清楚一場馬裡面各匹馬的優劣, 步驟一: 我地將近期表現差的馬匹去除, 通常一場都會有二三匹這樣的馬匹存在. 步驟二: 記下近期表現特別好的馬匹, 剩下來就係一些平時得個近字又WIN唔到, 大約每次都跑四四五五之類的馬匹, 這一類馬通常都係一D爆冷精品.此時我地要思考福爾摩斯一包名言: "當原本可能的事變成冇可能, 原本冇可能的事就會變成可能"
分享心得(二)
當我地考慮馬匹狀態時, 我地首先要睇它地的年齡, 不同年齡有不同的運動機能. 通常三歲馬的周期比較短,(視孚操練) 新陳代謝比較快, 進步空間大, 容易失準, 時好時差. 所以不要太在意它地的賽積, 精明的練馬師會用較長的休息時間去準備跑一場, 通常由比賽開始六個月內是龍是蛇可以見真章.
四歲至五歲為馬匹的青壯年, 壯態比較穩定, 有少少進步空間, 通常一個月至個半月都可以保持水準. 所以短期之內都可以看上一仗的表現而定. 通常都熱門份子.
六歲至七歲馬, 由於新陳代謝開始減慢, 狀態週期比較長, 當狀態較好時可以維持較長時間, 但無態時同樣要維持較長的時間. 好的練馬師會在有態時盡量爭取出賽, 減少常規操練, 無態時要好有耐性.這裡我地可以用--逆思考. 先看正面, 然後再看反面.
心得分享(三)
通常我地經常會見到不同的騎師騎同一匹馬, 甚少由一位騎師長期騎同一匹馬, 點解會換人?其可能性有以下數點:
(一) 練馬師對之前騎師的發揮不滿意, (大多數練馬師都要向馬主交代, 換人係最常用手段)
(二)有d練馬師喜歡用見習騎師去試馬, 到開始接近時,改用大師傅.(準確性高)
(三)騎師認為同場另一匹馬的機會較高.(通常都揀錯)
(四)練馬師用開大師傅而突然用見習生(減分居多)
我比較喜歡一些練馬師專揀見習生搏命, 通常會比較有分頭, 而且好有信心
心得分享(四)
最後係睇晨操影片, 如果有騎過馬的通常都比較清楚.
我只留意這幾個方面: 第一, 當馬匹作快跳時, 接近最後一段, 留意其頭部一上一落的動作, 如果其頭部上落幅度太大, 無論佢個樣幾吸引你, 好極有限,因為係氣量不足的表現. 反之係大把在手.另外, 當一匹馬在快跳時換腳並且有一吓失平衡感, 隻馬無力的表現.踱步時, 留意其出力點係唔係平均, 通常多看晨操片, 慢慢可以掌握到. 好多馬個力係個口到, 好似有火有力, 騙人.
另外係馬磅和負磅關係, 我本人認為千六以上較有影響, 一般一千磅左右的馬匹,最多負磅係128磅超過此數, 會有影響.
馬匹步速
關於馬步速, 相信好多人都知道快步速場合會造就後上馬匹, 但往往都係因為事後先知原來這場咁快ga, 早知買後上馬啦!
其實我覺得唔好成日睇d走位, 馬匹的走位往往取決於其它對手, 例如: 當一匹均速馬上次的對手大部份早段都比較快以至未段較慢, d人就話佢係後上馬, 今次對手早段比較慢, 未段較快, 就話佢冇力. 這樣的情況不時有發生. 冤枉好多騎師!
馬就像一條橡膠, 你拉長d佢的彈性就冇咁大. 當然有部份馬匹比較不喜歡搶放, 所以就會出現不同的賽果, 亦係賽馬的好玩之處.
http://eric-horseracing.blogspot.com/
沒有留言:
發佈留言